Newsbook.com.mt (@newsbook.com.mt)

Ilna nisimgħu ħafna dwar il-qerda li qed jikkawża l-bagħal taż-żunżan fuq in-naħla Maltija. Newsbook Malta żar il-ftit kaxxi li baqagħlhom naħħala Maltin u seta’ jara l-mijiet ta’ naħal mejta fil-qiegħ ta’ dawn l-istess kaxxi. #newsbookmalta #malta #bees

Waqt il-konverżazzjoni, Ġiġi ammetta li hu u Beppe, bħal ħafna aħwa oħra, mhux dejjem jaqblu fuq kollox. #newsbookmalta #malta #junioreurovision

Il-Prim Ministru Robert Abela meta ġie mistoqsi minn Newsbook Malta jekk hux se jkun hemm xi żviluppi b’rabta mal-proġett tat-trasport tal-massa fil-Baġit 2027 fakkar li qed isiru l-istudji ġeotekniċi imma “se nkunu realistiċi mhux se niddieħqu bin-nies”. Abela wkoll tenna li qed jaraw li bħala proġett jkun vijabbli biex ma jġibx għarkupptejh l-ekonomija u l-finanzi tal-pajjiż, anke f’terminu ta’ popolazzjoni.

28 organizazzjoni jieħdu sehem fl-ewwel fiera tal-ħidma soċjali biex iħeġġu aktar persuni jidħlu għal dan ix-xogħol ta' fejda fis-soċjetà. #newsbookmalta #malta #socialwork

Il-Prim Ministru Robert Abela fi tweġibiet lil Newsbook Malta rrifjuta li jgħid jekk art tal-Gvern fin-Nigret hux se tintuża għall-bini ta’ toroq, mains tal-ilma, cables tal-elettriku u infrastruttura tad-drenaġġ meħtieġa biex iservu l-blokok ta’ appartamenti privati li qed jiġu approvati fiż-żona taż-Żurrieq. #newsbookmalta #malta

Il-Prim Ministru Robert Abela qal dalgħodu li l-fattur komuni wara l-protesti li ħakmu diversi pajjiżi Ewropej huwa l-inflazzjoni, iżda f’Malta għandna sitwazzjoni għal kollox bil-kontra fejn il-Gvern qed ikompli jtaffi l-piżijiet tal-familji. Bħalissa għaddejin protesti f’diversi pajjiżi fl-Ewropa, fosthom Franza u l-Italja, fejn iċ-ċittadini qed jipprotestaw kontra l-għoli tal-ħajja. F’kummenti lill-ġurnalisti Abela qal li l-immigrazzjoni rregolari wkoll tista’ tkun fattur, iżda r-raġuni ewlenija li qed twassal għal tensjoni soċjali hija l-prezzijiet għolja, partikolarment fil-qasam tal-enerġija, l-ikel u l-komoditajiet essenzjali. #robertabela #malta #protests #inflation #immigration #newsbookmalta

Il-Kap tal-Partit Nazzjonalista Alex Borg f’kumment lil Newsbook Malta ċaħad b’mod kategoriku dak li allega l-esponent tal-Partit Laburista Neville Gafà li s-sieħba ta’ Borg Sarah Bajada se tkun qed tokkupa l-irwol ta’ Direttur ta’ Komunikazzjoni minflok Nathaniel Attard. Borg għamilha ċara wkoll li ma jsegwix dak li jippubblika Gafà. Aktar kmieni dan ix-xahar Gafà ġie mwissi mill-Partit Laburista biex ma jagħmilx attakki personali inkella jitlef l-aċċess għall-faċilitajiet tal-Kwartieri Ġenerali. F’intervista mal-editur ta’ Newsbook Malta Matthew Xuereb, Borg kien qal li Nathaniel Attard ġie offrut xogħol ieħor fi ħdan l-istrutturi tal-Partit Nazzjonalista. #alexborg #malta #newsbookmalta

Il-Ministru tal-Intern Glenn Bedingfield qal illum li għad għandu fiduċja fid-direttur tal-ħabs wara s-sejba ta’ mowbajls fiċ-ċelel ta’ tliet priġunieri, fosthom George Degiorgio u Robert Agius tal-Maksar. Is-sejba tħabbret mill-ministru stess nhar is-Sibt li għadda, fejn intqal li nfetħet investigazzjoni. Il-Ministru ma semmiex ismijiet, għalkemm qal li xtaq jagħmel hekk, iżda sezzjonijiet tal-midja żvelaw iktar tard li tnejn minn dawk involuti jinsabu l-ħabs b’rabta mal-qtil ta’ Daphne Caruana Galizia. It-tielet priġunier li nstab li kien fil-pussess ta’ mowbajl fiċ-ċella huwa raġel Taljan. #newsbookmalta

Numru ta’ supermarkets f’Malta spiċċaw bi xkafef vojta, b’nuqqas kbir ta’ prodotti f’kull sezzjoni. #newsbookmalta

It-traffiku fit-toroq Maltin reġa’ żdied b’mod sostanzjali. Hemm min jattribwih għall-istudenti lura l-iskola u hemm min jisħaq li hija problema ferm akbar ta’ ippjanar u alternattivi li tassew jaħdmu. Sadanittant rajna numru ritratti u filmati ta’ karozzi tal-linja mimlijin sa ruħ ommhom fil-ħinijiet li n-nies ikunu sejrin jew spiċċaw ix-xogħol jew l-iskola. Newsbook Malta mar l-Università ta’ Malta biex jistaqsi lill-istudenti b’liema mod jaslu fuq il-kampus u għaliex ta’ kull filgħodu jieħdu din id-deċiżjoni. #students #publictransport #malta #newsbookmalta

Uffiċjali tal-infurzar tal-Awtorità tal-Ippjanar dalgħodu sebħu tas-Sliema biex ineħħu l-pavimentar illegali quddiem ir-ristorant tal-iżviluppatur Carlo Stivala fix-Xatt ta’ Tas-Sliema. Dan hu l-aħħar żvilupp f’din il-kontroversja li issa ilha għaddejja għal numru ta’ ġimgħat, kontroversja dwar okkuppazzjoni llegali ta’ art li qajmet rabja fost ir-residenti Slimiżi u l-NGOs. #newsbookmalta #malta

"M’aħniex għall-bejgħ, la fl-integrità tagħna, la fl-onestà tagħna, u lanqas fil-ġisem tagħna: aħna ta’ Alla", l-Arċisqof Charles Scicluna waqt il-Ġurnata Missjunarja 2026.

Ryan Barbara, li llum huwa ambaxxatur tas-saħħa mentali fl-iskejjel, qal li meta kien f’mument fraġli u kien qed iħossu “fit-tarf tal-ħajja”, kien ir-ritratt ta’ ibnu Jack li għenu jirrifletti u jibdel id-direzzjoni ta’ ħajtu. #newsbookmalta #malta

Luke Andre Camilleri, il-produttur żagħżugħ tad-dramm ‘Il-Kelma Li Ma Tgħidx’ qal li kien ilu 11-il sena jaħseb fuq l-idea li jqajjem għarfien fuq it-tema tal-molestazzjoni fuq l-irġiel, biss għal bidu ma ħasibx fit-teatru. Waqt li kien qed jieħu sehem fil-programm ta’ diskussjoni BTW fuq RTK103 qal li qed jagħmlu dan il-proġett teatrali biex ikissru l-istigma li raġel jibża’ jitkellem dwar dan is-suġġett sensittiv. Il-programm BTW jixxandar kull nhar t’Erbgħa fil-5pm fuq RTK103 u jkun disponsibbli fuq YouTube ta’ Newsbook Malta.

9 snin ilu Malta nħasdet. 9 snin ilu Daphne Caruana Galizia nqatlet b’mod brutali b’karozza bomba. 9 snin wara l-familja tagħha għadha qed tfittex li ssir ġustizzja sħiħa. Dalgħodu numru ta’ ġurnalisti minn diversi kmamar tal-aħbarijiet, fuq inizjattiva tal-Istitut tal-Ġurnalisti Maltin, inġabru quddiem il-monument tal-Assedju l-Kbir li f’dawn l-aħħar snin sar memorjal temporanju biex ifakkru lill-ġurnalista Daphne Caruana Galizia 9 snin wara l-qtil brutali tagħha. #daphnecaruanagalizia #journalism #malta #maltajournalists #latestnews

Newsbook Malta bl-aħħar aġġornamenti mill-Imqabba wara li nstabet mara maqtula fil-kċina ta' darha. L-allegat aggressur John Cassar, li hu binha, issa jinsab arrestat. #newsbookmalta #murder #update

🚨BREAKING Il-Pulizija bħalissa għaddejja bi tfittxija għall-aggressur f’argument familjari fl-Imqabba. Il-każ seħħ għall-ħabta tat-2.45pm fi Triq Valletta. Minn informazzjoni li għandu Newsbook Malta, raġel ta’ aktar minn 70 sena kellu jiddaħħal l-isptar minħabba feriti li ġarrab, filwaqt li tim mediku qed jassisti mara feruta fuq il-post. #newsbookmalta #breakingnews

Wara ħames snin ta’ stennija, messaġġi u appelli lill-awtoritajiet, il-ħolma ta’ Mark Schembri li Ġorġ tal-Mużew jiġi mfakkar b’bust fl-Isptar Mater Dei tinsab pass eqreb lejn it-twettiq tagħha. Dan hekk kif, wara li Newsbook Malta kien irrapporta dwar il-ħidma ta’ Schembri biex jikseb il-permess meħtieġ, seħħew żviluppi ġodda fil-proġett. Schembri kiseb il-permess u issa għandu wkoll il-mudell tal-bust li jixtieq jara jitqiegħed fl-isptar. 🎤Damian Micallef 📸Laura Galea #newsbookmalta

Raġel inżamm b’arma tan-nar ippuntata lejh minn uffiċjali tal-Pulizija wara li allegatament ma waqafx meta ġie ordnat jieqaf waqt li kien qed isuq fl-Imġarr. #newsbookmalta #malta

L-iżviluppatur Carlo Stivala ngħata 30 jum ċans biex ineħħi l-illegalitajiet kollha li għad fadal quddiem ristorant tiegħu f’Tas-Sliema hekk kif l-Awtorità tal-Artijiet ħarġet ordni ta’ żgumbrament. #newsbookmalta #malta

F’April tal-2024, John Paul Abela ħass boċċa f’sidru. L-għada ddeċieda li jiċċekkjaha, deċiżjoni li wasslitu għal dijanjosi li biddlitlu ħajtu. #newsbookmalta #malta #malebreastcancerawarenes #breastcancer

“Setgħu mietu n-nies. Dan kien każ li kellha tinfetaħ inkjesta maġisterjali dwaru.” Hekk sostna resident irrabjat li tkellem ma’ Newsbook Malta wara li parti mill-pjazza ta’ Ħal Tarxien ċediet waqt xogħlijiet ta’ kostruzzjoni li kienu għaddejjin fil-post. 🎤Damian Micallef 📸Miguela Xuereb #newsbookmalta

Ir-resident kompla jinsisti li l-inċident seta’ kellu konsegwenzi ferm aktar serji, partikolarment għall-ħaddiema li kienu jinsabu fil-viċinanzi. Skontu, kien biss b’xorti tajba li ħadd ma tilef ħajtu. #newsbookmalta #malta #police

Newsbook Malta qed jippubblika b’mod esklussiv il-mumenti li fihom ċediet parti mill-pjazza ta’ Ħal Tarxien waqt li għaddej xogħol ta’ kostruzzjoni fuq din l-istess pjazza. #newsbookmalta #malta

Ċelebrazzjonijiet f'għeluq it-300 sena mit-twelid ta' Benigno Zerafa L-Arkivji tal-Katidral tal-Imdina se jinfetħu wara r-restawr u wieħed jista' jara wkoll wirja dwar Dun Beningo Zerafa. Newsbook Malta ltaqa’ mal-arkivisiti Mario Gauci, Elena Muscat u Danica Abela li b’tant dedikazzjoni jieħdu ħsieb dan il-post biex iżommu fi stat tajjeb l-arkivji u fil-proċess jiskopru aktar dwar min kien Dun Beningno Zerafa. Huma qasmu magħna wkoll kif se jitfakkar il-legat tiegħu filwaqt li stajna naraw librerija ġdida li saret fi żmien il-pandemija. Filmati: Miguela Xuereb / Newsbook.com.mt #archive #music #malta #interview #exclusive

Tornado laqat il-bliet ta’ Marsala u Petrosino fi Sqallija, fejn inqalbu numru ta’ karozzi, ġiet ikkawżata ħsara fil-bini u ndarbu diversi persuni. Filmati u ritratti ppubblikati fuq il-midja soċjali wrew li inizjalment kien hemm żewġ tromba tal-ilma fuq il-baħar li ngħaqdu f’waħda ikbar hekk kif resqu lejn il-kosta. Fost il-bini li ntlaqat kien hemm l-iskola Alcide de Gaspieri, fejn weġġgħu numru ta’ persuni hekk kif inkisru t-twieqi u waqgħu partijiet mis-suffett. Videos: Kiril Panayotov | ItacaNotizie.it | Nicola Nicola Riolo (Facebook) #newsbookmalta #tornado #sicily #marsala

Il-Kap tal-Partit Nazzjonalista Alex Borg qal li jistenna li l-Gvern iwettaq il-wegħda tiegħu dwar is-superbonus fil-Baġit li ġej, filwaqt li sfida lill-Ministru għall-Finanzi Clyde Caruana biex issa jwettaq dak li wiegħed. #newsbookmalta #malta #partitnazzjonalista

Ġlieda fil-Belt Valletta li fiha ndarbu żewġ pulizija qajmet dibattitu nazzjonali dwar kemm il-pulizija jingħataw biżżejjed taħriġ dwar kif għandhom irażżnu u jarrestaw persuna. Kien hemm bosta kummenti negattivi ta’ persuni li mill-ewwel iddeċidew li l-pulizija ma kienux kapaċi jikkontrollaw is-sitwazzjoni. Iżda r-realtajiet ta’ kuljum li jħabbtu wiċċhom magħhom il-pulizija ta’ kuljum huma ħafna iktar kumplessi minn dak li naraw fuq xi filmat fuq il-midja soċjali. #newsbookmalta #malta #police

Waslet ġimgħa li ħafna studenti jkunu qed jistennew – Freshers Week! #newsbookmalta #malta #university

Minkejja l-appell tal-Prim Imħallef Mark Chetcuti lill-Prim Ministru Robert Abela u lill-Kap tal-Oppożizzjoni Alex Borg biex isibu “triq ġusta” u soluzzjoni għall-kwistjoni tal-ħatra ta’ Maġistrat b’kompetenza forensika, sa issa ma saru ebda taħditiet bejn iż-żewġ naħat.